點解要 #WEARNOTHINGNEW ?

每逢轉季，就係購物慾最旺盛嘅時候，硬係會心郁郁想要新衫搭新造型。明嘅！但咁係咪代表一定要買呢？有無諗過，其實執衫都做到同樣效果？上回 #lookmatters 提到，一手定二手衫嘅標籤其實都係過眼雲煙，但大量剩衣造成嘅浪費就係切切實實嘅問題。撇開環保唔講，眼見好多人不斷買新衫（但實際成日著出街嘅只有衣櫃面個層），又不斷清出，然後不斷有剩裝……個種無奈感不禁令我地諗，會唔會可以做啲嘢去改變呢個狀況？